Voluntari@s polo morro!

Voluntarios e voluntarias, si, iso é o que precisamos, xente disposta a sacrificar un fin de semana da dúa vida a cambio de comida, teito, actividades de tarde e noite, amizades, risas, bos momentos e, por suposto, mellorar un chisco a situación dos montes galegos ante os incendios.

Todo isto que ofrecemos a cambio de que? pois de NADA, todo de balde, polo morro! comida e aloxamento de balde, actividades de tarde e noite de balde, información sobre o tema dos incendios de balde, coñecemento do baixo Courel e as súas xentes de balde, fomento da amizade de balde, un fin de semana xenial de balde!


Atoparedes o albergue nas seguintes coordenadas GPS: 42.684849 N,-7.240967 W, na estrada LU-5601, quilómetro 16

Podédelas amañar no seguinte formulario Voluntariado Galego

Repercusións na prensa!

Si xentiña!

Este pasado fin de semana de voluntariado tivo bastante repercusión mediática a través dun artigo no diario "El Progreso" (clica aquí) e na RTVG (clica aquí)

A ver se isto anima a máis voluntarios e voluntarias a botar unha manciña co tema!

Se todo vai ben e o bo rollo non cesa incluso se prevé un encontro de voluntarios contra incendios en Lóuzara-Samos alá para novembro!

A RTVE faise eco das realidades dos incendios e da xente que se dedica a extinguilos

 A RTVE, a través do seu programa "El escarabajo verde" examina cales foron as actividades de prevención de incendios que se levaron a cabo durante o inverno para evitar unha das maiores ameazas ambientais que sofre España.

O grupo 43, a patrulla aérea de extinción con base en Torrejón de Ardoz, non se limita a extinguir incendios en verán, que non é pouco. Durante o resto do ano adéstrase, traballa en tarefas de prevención e recoñece os puntos negros deses 50 millóns de hectáreas de bosques que ten o noso país, un material que en calquera momento pode arder.

http://www.rtve.es/television/20110621/todos-contra-fuego/442694.shtml

Xeocaché voluntario no Monte Oribio

Púxose un caché no alto do Monte Oribio (monte dende o que sempre vixiamos os voluntarios de Lóuzara).

Para aqueles que queiran botarnos unha man e axudar á hora de vixiar o monte e estar presentes nél desanimando aqueles que teñen a lapa tan a man (recordemos aquelo de que "os pirómanos non cobran") propoñémoslle como xogo atopar o caché que en breve poremos na rede de geocaching .com

As coordenadas son:

42°42'57,3" N.   7°14'24,5" W

En breve resumiremos tamén o feito este fin de semana pasado

ESTA FIN DE SEMANA ESTAREMOS EN LÓUZARA

O VOLUNTARIADO MEDIOAMBIENTAL ESTARÁ ESTA FIN DE SEMANA EN LÓUZARA E NA ZONA DE O COUREL FACENDO AS ACTIVIDADES DO PROGRAMA DA DIRECCIÓN XERAL DE XUVENTUDE E VOLUNTARIADO.

Para todas/os aquelas/es que queirades colaborar na prevención, vixilancia e defensa dos nosos bosques, animámosvos a participar este verán neste programa.

Un programa de formación e sensibilización en materia de conservación do medio ambiente, que ten por obxecto promover o voluntariado a través de sensibilización ambiental e infundir nos/nas participantes criterios e coñecementos básicos sobre a prevención, información e vixilancia contra os incendios forestais. Aínda estades a tempo, quedan prazas:

ñ Agosto: do 26 ao 28 .

ñ Setembro: do 2 ao 4 .

ñ Setembro: do 9 ao 11 .

ALGUNHAS DAS ACTIVIDADES PREVISTAS SON:

ñ Formación ao voluntariado sobre prevención e vixilancia contra os incendios forestais.

ñ Obradoiro básico de cartografía-orientación-comunicación.

ñ Roteiros de vixilancia temperá pola Serra para a detección de posibles lumes forestais, con estruturación e organización dos equipos para poder abarcar o maior campo de visión posible: zonas altas con gran campo de visión e zonas baixas para a detección temperá de incendios difíciles de detectar desde as casetas de vixilancia.

ñ Vixilancia disuasiva polas zonas potencialmente perigosas polos incendios.

ñ Recoñecemento de flora e fauna de montaña.

ñ Observación de ecosistemas forestais e interpretación da paisaxe.

ñ Labores de información e sensibilización á poboación local.

ñ Deseño de campañas de sensibilización

Programa totalmente gratuito promovido polas Direccións Xerais de Xuventude e Voluntariado, e Conservacións da Natureza.

A estancia e actividades desenvolveranse no entorno do Albergue Priorato de Campos de Lóuzara (Samos).

Para realizar as vosas inscricións tedes que facela cubrindo o formulario aqui: http://www.voluntariadogalego.org/web/modulo.php?mod=ppr&idc=50

E tamén faremos unha ruta de sendeirismo pola zona para que coñezades esta marabilla da natureza.